Sons de Amizade é o título das xiras  que realizarán as Bandas Sinfónicas Infantil e Xuvenil de Galicia neste 2018 e que levarán o seus Sons ás terras do Eume, Ortegal e o Baixo Miño.

Unha das máis grandes satisfaccións é a de contar con grandes amigos. Co paso do tempo a amizade fortalécese sen darnos conta. Esa convivencia a través da nosa afición pola música, os gustos e intereses comúns,  compartindo preocupacións, alegrías, triunfos e ca seguridade de contar cun apoio incondicional dos nosos compañeiros da banda.

A esencia da amizade radica nos valores, que son o cimento das relacións duradeiras, porque a nosa amizade sobrepasa con moito a  superficialidade, sen quedarnos co anecdótico, a broma, os bos momentos ou estar permanentemente en disposición para o que se ofreza.

“A música é un  arte para compartir, non para competir. É algo que olvidamos  habitualmente e que dificulta a unión e conexión entre escolas, conservatorios, bandas…  e músicos. Nos encontros do 2017, a xuventude galega demostrounos a gran calidade humana e musical que teñen. Tan só fai falla que os apoiemos e creamos que se pode construir un horizonte mellor para as nosas agrupacións”

Todo elo a través da amizade como leitmotiv da música, da  convivencia, da vida!