A candidatura da Escola e Banda Municipal de Lugo foi a elexida polos directores da Asociación Nacional de Directores de Banda, para albergar a Sede da BSXG 2017.

O encontro do 2017 será do 1 ó 6 de agosto e poderán participar nel os rapaces galegos entre 14 a 17 anos.

A BSXG fará un tour de tres concertos, dos cales informaremos próximamente.

Sobre o Programa de Concerto, podemos anticipar:

• A recuperación e divulgación de autores lucenses como Juan Montes, Gustavo Freire ou José Lodeiro.
• O estreno de «ELA» (relato gañador do 1º Concurso de relato curto «Música, lingua e valores») de Verónica Rodríguez e música de Andrés Álvarez.
• Unha especial homenaxe a Pascual Veiga
• Unha mirada musical de «Lucus Augusti»

Os Directores da BSXG 2017

David Llano e Carlos Diéguez serán os directores da Banda. Ambos continúan así co proxecto iniciado na Banda Sinfónica Infantil de Galicia, agora na BSXG. 

Os directores galegos da ANDB seleccionaron ademáis a os dous novos directores da Banda Sinfónica Infantil de Galicia así como aos profesores/directores colaboradores en ambas bandas. 

ORTIGUEIRA: SEDE ADMINISTRATIVA

Ortigueira é a sede administrativa da ANDB en Galicia. Desde a BSIG agradecemos públicamente toda a axuda, colaboración e apoio amosado nos dous primeiros encontros para facer este proxecto educativo unha realidade.

Para ser un proxecto galego, necesita crecer e ofrecer concertos por toda a xeografía galega; razón pola cal non podíamos repetir sede por terceira vez consecutiva.

Non obstante en Ortigueira farase un Ciclo de Conferencias e Master Class organizadas pola ANDB en colaboración co Concello de Ortigueira; das que iremos informando próximamente.

SEDE DA BANDA SINFÓNICA INFANTIL DE GALICIA

Despois de Semana Santa faremos pública a sede da BSIG 2017 así como o nome dos  novos directores da banda.