Rapaces procedentes de 29 bandas formarán a BSIG 2016

Banda Sinfónica pequeño

NOTA DE PRENSA

Un total de 55 nenos e nenas galegos (nacidos entre o 2001 e o 2007), membros de 29 bandas de música da nosa Comunidade Autónoma foron seleccionados para formar parte da Banda Sinfónica Infantil de Galicia (2016).

A BSIG é un proxecto educativo pertencente ó Plan Nacional de Bandas de Música . Xurde coa intención de apoiar o desenrolo bandístico español; unha das manifestacións culturais de máis arraigo social e musical no noso país.

O Encontro-Xira desta agrupación levarase a cabo en Ortigueira e Mondoñedo entre o 2 e o 7 de agosto.

Está organizado pola Asociación Nacional de Directores de Banda (ANDB) e conta co apoio da Consellería de Cultura, Educación e Ordenación Universitaria, a través da Secretaría Xeral de Cultura.

A súa vez colaboran os Concellos de Ortigueira e Mondoñedo, Fundación Reveriano Soutullo, Diócese Mondoñedo-Ferrol, Fundación Ortegalia, a Escola e Banda de Música de Ortigueira, Asociación Pedagóxico-Musical Marosa Jazz, Arte Metal e Aire, Federación Galega de Bandas de Música.

O Programa de Concerto destaca por ser didáctico, innovador e a súa vez que rescate e divulgue obras esquecidas do noso patrimonio.

Soarán obras inéditas de Reveriano Soutullo, o pito pastoril galego por vez primeira cunha banda (con música do Mestre Pacheco) ou o estreno dunha obra escrita por un rapaz de 13 anos, adicada á BSIG.

As partituras recuperadas editaranse e facilitaranse en formato dixital a todas as bandas e escolas de música do noso país. A parte no encontro, gravarase un documental sobre a BSIG.

Información adxunta: Bandas nas que tocan os xóvenes músicos seleccionados para a BSIG 2016.

PROVINCIA DE A CORUÑA

Xoven Banda de Narón

Banda Infantil Sementeira de Narón

Banda de Música Charamela

Banda da Escola de Música de Ortigueira

Banda de Música de Ortigueira

Banda Xuvenil das Pontes de García Rodríguez

Banda do Conservatorio das Pontes de García Rodríguez

Banda de Música Oza-Cesuras

Banda Municipal de Betanzos

Banda de Música de Santa Cruz de Ribadulla