No encontro fundacional da BSIG tivo cabida a figura do «Mini-director», con  Marta Monteagudo Meijón (unha nena de 11 anos) a cal dirixiu por primeira vez á Banda Sinfónica Infantil de Galicia con obras como Santa María Estrela do Día (Cantigas de Alfonso X) ou Camiña Don Sancho (recopilada por Faustino Santalices).

Toda unha declaración de intencións do que suporía o proxecto permanente da BSIG!

Neste encontro 2016, teremos a gran sorte de contar cun «Mini-compositor» nas filas da BSIG. Estrearemos a Marcha Nº 1 en Do Maior composta por León Pedro Durán Alonso (de 13 anos); a cal está adicada a nosa formación.

Non é a primeira obra que estrea León cunha banda, xa que recentemente estrenou con éxito ca Banda Sinfónica do Conservatorio Profesional de Música de A Coruña.

A BSIG promove a creatividade, polo que estamos moi ledos de que nen@s se interesen polo mundo da composición.

No encontro da BSIG soará música galega escrita en 3 séculos diferentes, e unha delas escrita por un rapaz  de 13 anos!